NOME: Cuba de 6 aros de madeira
ORIXEN: R. de Miño, Ferreira de Pantón
ESTADO: Bo
PROCEDENCIA: Fundación, adquisición
CARACTERISTICAS:
Cuba de grandes dimensións e unha capacidade aprox. de 2.500 litros, non ten ningunha peza de ferro na súa montaxe,feita integramente en madeira, os arcos de salgueiro están atados con vimbio cada pouco e xeito especial nos extremos.
Ten 3 arcos a cada beira.

NOME: Cuba con aros de madeira e ferro
ORIXEN: A Portela-Diomondi, Saviñao.
ESTADO: Bo, resturado
PROCEDENCIA:Fundación, doazón de Luís Varela
CARACTERISTICAS:
Cuba cunha capacidade aprox. de 1.500 litros, suxeita por catro arcos de madeira (dous a cada banda) de loureiro e dous de ferro.

NOME: Cubete don arcos de madeira e ferro
ORIXEN: Paderne, Ferreira
ESTADO: Restaurado
PROCEDENCIA: Fundación, adquisición.
CARACTERISTICAS:
Pequena cuba duns 500 litros, utilizada nas trasfegas para poñe-lo viño en limpo ou para facer un pouco de viño branco.

NOME: Cubete
ORIXEN: Escairón, O Saviñao
ESTADO: Bo
PROCEDENCIA: Fundación, doazón de Miguel Varela
CARACTERISTICAS:
Pequeno cubete de 32 litros., feito con liobas simétricas.

NOME: Cantimplora
ORIXEN: Escairón, O Saviñao
ESTADO: Bo
PROCEDENCIA: Fundación, doazón de Miguel Varela
CARACTERISTICAS:
Cantimplora de 5 litros, feita integramente de madeira, con aros de latón e cinta de coiro pra o seu transporte. Feita por Antonio Varela Quiroga.

NOME: Estruxadora
ORIXEN: S. Vicente , O Saviñao
ESTADO: Bo
PROCEDENCIA: Fundación, doazón de J. Antonio López Rojo
CARACTERISTICAS:
Máquina de estruxa-las uvas para face-lo viño, colocábase sobre a boca da cuba. Está feita integramente en madeira.
A súa moxega ten nun dos seus lados un corte semicircular para mellor apoiar o cesto na descarga.

NOME: Lagareta
ORIXEN: O Saviñao
ESTADO: Bo, restauradas
PROCEDENCIA: Fundación, elaboración propia seguindo os modelos da documentación
CARACTERISTICAS:
Parecida á estrulladora, colocábase sobre a boca da cuba para votar na súa moxega as uvas e logo pisalas, debido á trampilla que ten na base só pasaba o zume, o rematar de pisar abríase a trampilla e pasaba o bagazo estrullado, volvese a pecha-la trampilla para baleira-los cestos.

NOME: Escairo
ORIXEN: Fión, Saviñao
ESTADO: Bo
PROCEDENCIA: Fundación, doazón de Telmo Rodríguez
CARACTERISTICAS:
Pequeno escairo de catro pasos para subir á cuba, ben vaciar uvas, barrar, aviñar...etc

NOME: Aviñador
ORIXEN: Marce. Ferreira de Pantón
ESTADO: Bo, restaurado
PROCEDENCIA: Fundación, doazón de Manuel Nieves Salgueiro.
CARACTERISTICAS:
Pau de vidueiro de 1'20 m. rematado en varios gallos para remexer ben o bagazo na cuba.